أدب
بلاش عتاب
بلاش عتاب
أحمد عوض سعيد
بلاش عتاب مني و منك
بلاش عتاب
خليه بعيد عني و عنك
و نعيش أحباب
كتر العتاب بيقسينا
و يزيد جراح منها آسينا
و احنا اللي فينا مكفينا
مش ناقصة عذاب
بلاش عتاب
بلاش عتاب
بلاش نفكر ف الماضي
و نعيش ف آساه
ولا حد بينا يكون قاضي
يحكم بهواه
سيب الزمان يحكم بينا
خلي اللي فاتنا يعلمنا
و بلاش نقول قالوا و قولنا
و ايه الأسباب
بلاش عتاب
بلاش عتاب
ليه الآلام بنصحيها
و نعيش ف احزان
نخلق جروح و نعيش فيها
و نلوم في زمان
هو الزمان مالو و مالنا
لا بايده فرح ولا عذابنا
ليه نحمله كل ذنوبنا
و منا الأسباب
بلاش عتاب
بلاش عتاب
أن كان لي حق
أنا مسامح
و نسيته خلاص
و لا عاد ف قلبي شيء خالص
غير الإخلاص
خلينا ننسى و نصالح
و بلاش نفكر ف امبارح
كتر العتاب مش م الصالح
ولا أنا كداب؟
بلاش عتاب
بلاش عتاب