قصص إسلامية
قصص إسلامية
الزجال حج هلال
…….. سيرة الصحابة
سيف الله. ١
………
خالد بن الوليد
كان بيفكر بالتحديد
إزاي قلة تغلب كثرة
في يوم بدر إيه الأمر
٣٠٠ يغلبوا ألف
وتاني يوم أحد
لحقونا في حمراء الأسد
وللإسلام انكتب النصر
ويوم الخندق والأحزاب
عجبو الفكرة وقال إعجاب
وقال ده سحر أكيد مش فكر
وحديبية في صلاة الظهر
خالد قال هنشوف الأمر
راح يهجم في صلاة العصر
النبي صلى صلاة الخوف
خالد قال كده بقى معروف
وحي أكيد ولا ينفع سحر
الوليد بن الوليد
أخو خالد بن الوليد
راح وأسلم في المدينة
وفرح بيه الهادي نبينا
وقاله رساله يقولها لخالد
أسلم لله هو الواحد
من مكة سافر لنبينا
قابله عمرو بن العاص
وعثمان بن طلحة خلاص
زيه ريحين للمدينة
يعلنوا إسلامهم لنبينا
خالد قال يا نبينا سماح
وقاله ذنوبي كتير فيما راح
النبي قال راح كل مافات
والذنوب صبحت حسنات
وأصبح خالد جندي مطيع
وراح في سرية مؤته سريع
زيد وجعفر وابن رواحة
واحد ورى واحد في الساحة
إستشهدوا والراية متاحة
وبدأ خالد يعمل خدعة
خلى الروم في رعب ولخمة
وقتل منهم وعمل ضجة
والنبي قال ده سيف الله
مسلول على أعداء الله
…. ..