ميلاد الرسول
ميلاد الرسول
مع الزجال حج هلال
كل يوم
….. …….. ……..
صلى الله على محمد
صلى الله عليه وسلم.
قبل ميلاده وبعد وفاته
جاى للدنيا خير معلم
جده قال لو نحفر زمزم
للقربان عبدالله نقدم
محمد جاى من عبدالله
للأنبيا إمام ومتمم
صلى الله على محمد
صلى الله عليه وسلم
شوف أمه الست آمنه
لما قالت محلى حمله
ولما شافت عند وضعه
ست مريم وست آسيه
وجدته هاجر وساره
والحورعين والملايكه
وجده كان سيد فى مكه
سيد من سادات ساداتها
لكن شفتوا مرضعاتها
كانوا رافضين اليتيم
بس شوف الست حليمه
هي وظروفها العظيمه
راضيه بالحبيب غنيمه
ولما قالت ياكريم
البركه فى بيتها حلت
والسنين بسرعه مرت
شافت شق الصدر رجعت
مكه تقول خدوه سليم
ويا أمه أرسلوه
لاجلي يزور مدفن أبوه
ولما الست آمنه ماتت
موقف كان صعب و أليم
وبعد موت أبوه وجده
راح وخد كفالته عمه
وكان يحبه زي إبنه
ويقول ده صادق أمين
وسيدنا سيد الرعاه
راح يرعى غنم وشاه
وكان يتاجر في صباه
وكان تاجر شاطر أمين
وف تجارته مع خديجه
وصدقه جاب أحسن نتيجه
فكانت هي أحلى زوجه
خديجه أكمل الحريم
صلى الله على محمد
صلى الله عليه وسلم
قبل ميلاده وبعد وفاته
جاى للدنيا خير معلم
سيدنا راح الغار يتعبد
جاله جبريل إقرأ يامحمد
إقرأ بسم الرب الأكرم
بالقرآن رح تبقى السيد
راح لخديجه بنت خويلد
قالت له أبشر يا محمد
إنت كريم دايما وابتكرم
ولا عمرك تغضب ولا تظلم
وانت رسول الرب الأكرم
واسأل ورقه في الدين يعلم
قال يا محمد انت الخاتم
وانت رسول الرب الأعظم
والناس حيحربوك يا محمد
خد أصحابه في دار الأرقم
رباهم أحسن تربيه
مرحله أولى كانت سريه
بالقرآن يصبغ ويعلم
صلى الله على محمد
صلى الله عليه وسلم
قبل ميلاده وبعد وفاته
جاي للدنيا خير معلم
……