في ظرف ساعة
في ظرف ساعة
صفيه نصار
ياأسود العرب ليه ساكتين
على خراب ودمار فلسطين
مزابح لأهلنا وابادة حتى لأطفال
رضع وحديث الولاده
علي ايد الكفره الضالييين
ازاي نشوف اخوانا غرقانه
فبحور الدم
وكل دورك تقاطع منتج وتحرق علم
ده لا هيشفي غليلك ولا يمحي عارك
وانت شايف وسامع وعامل
نفسك أصم
إحنا عايزين نحاربهم ونكسر الحدود
ونخليهم هما وعلمهم للنار وقود
يارب إبعت لغزة جنود من
عندك وايدهم بنصرك وخلي الحجارة
سلاح اقوي م البارود
معقوله إحنا كده مكتوفين الأيادي
مفيش غير شعارات وكلام فاضي
عجزنا عن رد اعتبارنا
ودم أطهر الأبرياء ينداس بنعل
انجس الأعادي
ياجندي ياعربي منتاش ضعيف ولاجبان
عشان تختار اضعف الإيمان
إضرب بعزم وقوة علي كل غاصب
حرر أرضك وصون عرضك من
حزب الشيطان
إحنا اكتر واكبر منهم بأيدي الجماعه
والمثل بيقول الكتره تغلب الشجاعه
الله اكبر ويد الله فوق ايادينا بإتحدنا نمحيهم في ظرف ساعة