يلا قد آن الآوان
يلا قد آن الآوان
رائد جبار الذهبي
احنه أهل الغيره احنه
واحنه تاريخ الحضاره
وين نخوتنه زمان
ولو ادينه اتصير وحده
هالعدو يصبح جبان
يا عرب ساعتهه حانت
هسه بالنخوه امتحان
المسجد الأقصى ينادي
كافي للذله وهوان
أطفال غزه اتموت جمله
وللصبر ما ظل مكان
كافي نستنكر ونشجب
عيب عله هذا الكلام
من ضعفنه العدو يكبر
هالوضع لا موتمام
وعله هالدم لو سكتنه
انكول عالامه السلام
غاصب ومحتل ارضنا
صار يتماده بغرور
صرنا نضعف هو يقوى
مالكه ابوجهه اليثور
لازم انوكفه أعله حده
ويرجع لغزه الأمان
يلا قد ان الأوان
يلا ما ظل كل صبر
هيه مره انعيش مره
ابذله مايسوه العمر
احنه أهل غيره وكرامه
واحنه اهل عزم ونصر
كلنه تكدر أي اكيد ….
ومانذل هايه بعيد …..
احنه إلهه وكلهه تشهد
حاشا مسلم أن يهان
أضعف الإيمان صوتك
كول كافي لهالظلم
الخليل وحيفا نادت
ليش يا ناس انهظم
وخان يونس صوت صاحت
يعني ترضون انهظم
تونسي مصري ويماني
مغربي وليبي وعماني
اردني وسوري وعراقي
صوت واحد ….
سيف واحد ….
أمه وحده ….
واحنه مابينه اللي خان