جدتي

 د.صالح العطوان الحيالي
في مناطقنا تسمى جدتي
وهناك من يسميها بيبيتي
وهناك من يسميها حبوبتي
جدتي شكد كانت حنينة
على ايديها تربينة
وجدة هسة ما تسأل
على احفادها
وما تكلهم شلوننكم
جدة هسة
ملتهية بالفيس
والبرستيج
جدتي شكد حلوة جدايلها
فوطتها بيضة
ريحتها مسك
ومن تزعل تكولي ولك
ومن تفرح تكلي هاي الك
جدتي تخبيلنا الأكل بالكوارة
جدتي ما تنطي ابد بينة
تخبينا تحت عبايته
من ننام تلوليلنة
وتكعد من الصبح تغنيلنة
بس وسفة جدتي بهالوكت
ماعادت تغنيلنة
جدتي لبست الفوطة والجرغد
جدتي ماراحت للصالون صبغت شعرها
جدتي زفتها كانت على الفرس
وغرفتها طين واثاثها صندوق خشب
وثاني يوم تطلع للحصاد
جدتي ولادتها تكون بالزرع
مو مثل هسة كلها مستشفيات خاصة
جدي الحنين
كطع ما عاد يمر بينة
هم انتو كبارنا غيركم الزمن
لو الطبع تغير بينة
الله يرحم طيبتكم كبارنا
على المحبة ربيتونة
وعلى الصدق علمتونة
وعلى الوفاء درستونة
وعلى الإخلاص دربتونة
وعلى حفظ الأمانة علمتونة