طريقة عمل شاورمه ومكرونة في حلة واحدة
كتبت امال فاضل
طريقة عمل شاورمة لحمة ومكرونة في حلة واحدة
المقادير:
كيس مكرونه خواتم أو فرن بدون سلق
ربع كيلو لحم مقطع طوليا
3 وحدات بصل حجم كبير شرايح رفيعه
3 فلفل رومي مقطع رفيع
1 فلفل حار
جزرة مبشوره
ثوم مفري
قطعة ليه صغيره مجمده ومبشورة
زيت وزبده أو سمن
1 معلقة صغيرة سكر
1 معلقة كبيره ملح
1 معلقة كبيره خل
1 معلقة صغيره فلفل اسود
1 معلقة صغيره بهار
1معلقة مسترده
2 كوب ماء مغلي حسب الأحتياج ممكن يزيد
الطريقة:
يفضل نقع اللحم في الخل والفلفل الأسود والبهار والمستردة
ساعتين في الثلاجه.
نشوح اللحم بالتوابل في الزبدةوالزيت علي نار عاليه حتي تحتفظ بالعصاره وتبقي طريه ولا نقلب حتي يتغير لونها
ثم نهدي النار ونرفع اللحم في اناء اخر.
في نفس الحله نشوح البصل مع نص معلقه صغيره سكر
حتي بصبح لونه ذهبي نضيف الكسبره الجافة والثوم.
نقلب جيدا ونضيف الفلفل والجزر ثم نضيف اللحم السابق تشويحه واخيرا نضيف المكرونه ويقلب جيدا.
ونضيف الماء المغلي حتي يغطيه تماما وعلى نار هاديه
ويغطي حتي تمام النضج ويمكن زيادة الماء المغلي حتي
تصبح المكرونه بها صوص خفيف وغير ملتصقة
وتجمل بالكسبره الخضراء حسب الرغبه وتقدم
بالهنا والشفا.
