محاسبة الضمير
بقلم/ الزجال حج هلال
؟؟؟ ها نتحاسب
بيموتوا جوع قدام الأمة
والكل شايف ومافيش ذمة
•••••
راح نتحاسب واحد واحد
علشان ماتت فينا الهمة
إبني وأخويا يموتوا م الجوع
•••••
ولا لقمة ولا شربة مية
قدامنا وكل شيء مسموع
فين احنا وإيه الموضوع
•••••
وحسابنا راح يبقى تقيل
قدام قاضي عدل جليل
لما نشوف غزة بتموت
•••••
بحصار مجرم فيه جبروت
على أطفال بتموت بالجملة
عطش وجوع ولاقيين قوت
•••••
والناس شايفه وهس سكوت
راحت فين رجالة الأمة
ليه نيمين خيفين من رمة
•••••
وكيان جيشه جبان بلا همة
يقتل نسوان وأطفال
جوع وأمراض وإهمال
•••••
وتعطيش وسوء الأحوال
ونيران تنزل بالطيران
واحنا شيفين وساكتين
•••••
مش عارف من إيه خيفين
من صهيون تلاته مليون
واحنا عددنا اتنين مليار
•••••
لو تفينا على الملعون
راح يغرق زي الصرصار
عرفين ليه هايج في الكون
•••••
علشان عنده إستهتار
عامل على غزة حصار
ومجوعهم باستمرار
•••••
وبيقتل في صغار وكبار
ليه اخواتنا يموتوا م الجوع
والكل ساكت عنده خنوع
•••••
كلنا كده خيفين عالدنيا
فين الأمة ماتت الهمة
واحنا عددنا شوف كام دولة
•••••
مش قادرين على مجرم رمة
ندعي الله وتقوم الأمة
وتتوحد على كشف الغمة
•••••
إحنا عليهم راح نتحاسب
دنيا وآخرة وهانتعاقب
ها نتحاسب
•••••
