مطبخ الطبعة الأولى
شيش طاووق موفر
كتبت أمال فاضل
طريقة عمل شيش طاووق موفر
المقادير
نص كيلو أوراك دجاج مخلي
2 بطاطس مسلوقة نص سلق ومقطعةمكعبات
معلقة زبادي
معلقة عسل أو سكر
عصير ليمون
معلقة مستردة
معلقة صغيرة بابريكا مدخنة
معلقة صغيره ثوم بودر
معلقة صغيرة بصل بودر أو عصير بشر بصلة
ملح، فلفل أسود
معلقة صغيرة كاري
معلقة صغيرة هريسة شطة حسب الرغبة
بصلة مقطعة مكعبات
فلفل مكعبات نراعي يكون التقطيعة متساوية
الطريقة
تخلط التوابل وتتبل أوراك الفراخ أو صدور المتوفر
بنص التوابل وباقي التوابل نتبل البطاطس في إناء أخر
نترك الفراخ في التتبيلة علي الأقل 3 ساعات أو ليلة كاملة لمذاق أجمل
ننقع اسياخ الشيش في ماء ساخن ربع ساعة حتي لا تحترق
ونضع قطع الفراخ بالتبادل مع البطاطس والخضار ونضع
تحتها صاج وتدخل تحت الشوايه وتقلب حتي تمام النضج
ويمكن عمل الشيش بدون أسياخ نشوح الفراخ بالتوابل في طاسة ساخنة ولا تقلب حتي تقفل مسام الفراخ وتحتفظ بالعصارة وتصبح طرية حتي تأخذ لون ذهبي ونرفعها من الطاسه ونشوح الخضار ونضع الفراخ عليها ونهدي النار ويمكن وضع ربع كوب ماء مغلي وتغطي ويمكن تكمل النضج في الفرن وفي النهاية يمكن وضع قطعة فحم علي شريحة بصله ونضع قليل من الزيت وتغطي تعطي مذاق الشوي علي الفحم وتقدم علي بقدونس مقطع وبالهنا والشفا
