أدب
حرام.. المساكنة وزواج التجربة ضلال مبين
بقلم/ الدكتور هشام عبد العزيز
يعني كل حاجة ماشية
لما في جوازنا نجرب
البنات مش لاقية راجل
والشباب عمال بيهرب
****
واللي بيربي النهارده
كل همه ياكل ويشرب
والمبادئ مالها لازمة
والذمم عمالة تخرب
****
كل أخلاقنا الجنيه
واللي يتجوز يجرب؟
حاجة والله تطهق
فيكوا حد مرة جرب؟
****
طبق الإسلام بشرعه
هو دستورنا ده أقرب
راح تلاقوا الحل فيه
لما مشاكلكم تعقرب
****
النبي قالها لنا واضحة
ينتفي عنا الضلال
لما للسنة نطبق
يلا نرجع للأصول
****
ويا قرآن ويا سنة
عمر ما حياتنا هتخرب