قلب عاشق

بقلم / محمود الجوهرى
خلاص بقيت عايش لوحدى بذكريات
ايام جميله وعمر فات من غير ٱهات
أنام ودمعى على المخده واقول واحشنى
وقلبى من غيرك حبيبى إحساسه مات
صعبه الحياه من غيرك وانت بعيد عليا
ده أنا قلبى كان بيقوى بيكى وأنت فى ايديا
صورتك حبيبى مش بتغيب يوم من عنيا
وقلب عاشق يفتكر كل إلى فات
عارف انت قد ايه بتعانى فى غربتك
والفكر مالى العقل وغابت فرحتك
بس انت قد الصعب كله بقوتك
مهما تغيب روحى تغيب ترجعلى بس بلمتك
وطعم الحياه يرجعلى تانى بطلتك
كنت فاكر انى فى بعادك هعيش
وأنى هقدر علحياه وانت مش جنبى
وأن البعاد سهل وما يهمنيش
أتاريها من غيرك ما تسوى
والقلب نبضاته ما بتتساويش
صعبه الحياه من غيرك ما تتعاش
وكل دقيقه فى بعادك ما تسواش
ده انا مهما اشرب من حنانك ما ارتويش
كل إلى عاوزه أفتكرنى بس ما تنسانيش
تغيب الضحكه فى غيابك
تغيب البسمه فى بعادك
وترجع ليا تانى الروح
فى لحظه اشوف فيها خيالك
ونظره عين
ولمسه ايد على الخدين
اطير بيهم على سحابك
هفضل احبك طول العمر
بس انت ما تقفليش فى بابك