ما قصرناش

بقلم / محمود الجوهرى

ما قصرناش وادينا الحب بزياده
وانى شاريه وقلقى عليه صبح عاده
وان عواطفى ومشاعرى ليه بقى سذاجه
ما قصرناش وشيلتك جوه ننى العين
قفلت عليك وغطيتك بعينى الاثنين
وتجرح فيا وأكمل وتتمادى
كتبت فيكى وفى حبك كل اشعارى
ولما ابص لعنيكى بتخرج كل افكارى
سقيتك اجمل انهاردى
وشايفك اجمل ازهارى
وما بين فراقنا وبعادنا بايدك انتى تختارى
ما بظلمكيش ولا فى يوم جيت على كرامتك
وكنت معاكى فى الحلوه وفى المره ولا خذلتك
وتجرح فيا واسامحك وكفايه عليا ابتسامتك
راهنت عليكى الدنيا وما فيها وهعيش وياكى وراح اكمل
ما سمعتش منك كلمه فى يوم وكنت راضى وبتحمل
اديتلك روحى ووجدانى ولا كنت معاك لحظه اتجمل
وكل ما اذيد فى مشاعرى معاك الاقيك احوالك تتبدل
وأرجع واسامحك من تانى على املى فى بكره هتتعدل
صدقنى ده طبع ما يتغير
مهما تقول أو هتعلل