وجبة شهية سهلة و موفرة.. كبدة الفراخ بالطحينة

كتبت أمال فاضل

طريقة عمل كبدة الفراخ بالطحينة

المقادير: 
نصف كيلو كبد فراخ
3 بطاطس نصف سلق
2 بصل مقطع رفيع
معلقة كبيرة ثوم مفروم، معلقة طحينة
3 فلفل رومي، وقرن فلفل حامي مقطع صغير
ملح فلفل اسود، بهار.
رشة قرفة، رشة كمون
معلقة صغيرة عسل اسود
ماء مغلي، معلقة خل
زيت، عصير ليمون
الطريقة: 
تقطع البطاطس مكعبات صغيرة وتدهن بالزيت و رشة ملح و كمون وتدخل تحت شواية الفرن حتي تأخذ لون ذهبي ويراعي التقليب. في طاسة ساخنة يشوح البصل مع معلقة العسل ثم نهدي النار قليلا حتي يتكرمل البصل يرفع البصل لحين استخدامه
تشطف كبدة الفراخ وينزع منها العروق بحرص وتكون سليمة نضعها في ماء مغلي 3 ثواني مضاف إليه معلقة خل ليحافظ علي لونها الفاتح ثم نضعها في مصفاة وتصفي جيدا من الماء ونضيف عليها عصير الليمون،
وفي نفس الطاسة تسخن مع اضافة الزيت وبعد تسخينه نضيف الكبدة بدون تقليب حتي تقفل المسام وتحافظ علي طراوتها و نضيف باقي التوابل عندما تبدأ تأخذ لون خفيف،ثم نضيف الطحينة والثوم المفروم وتقلب مع الفلفل والبصل المكرمل
والبطاطس المشوية وتقلب حتي يمتزج جيدا. 
وعند التقديم تجمل بالبقدونس وعصير الليمون ويمكن تقطيعها قبل التقديم وبالهنا والشفا.