أدب
حلمي وحلمك
احمد سلاطين
اسمعيني لما اقول لك أحلى حلم
حلم متفصل مقاسنا زي يقين وعلم
حلم لما نعيشه هيكون أحلى فيلم
عشنا فيه قبل الحضارة واسمه حلم
قومي نرسم حب غالي نصير طيور
ولا نكتب علي السحاب أجمل شعور
ماانتي أصلك جاية من أبعد بحور
أصل حلمك هوا حلمي بدون قشور
ولا أقولك يااللا نحلم أحلام اليقين
أيوا أحلام حلموا بيها كل العاشقين
شافوا بكرا بحب عايش في الوتين
نسيوا أيام الضنى و نسيوا الأنين
إيه بقى رأيك في حلمي اللي حكيته
حلم مرسوم زي زرع اخضر ف غيطه
حلم مغزول من جمال وجهك رأيته
بكرا يبقى يقين ونسكن نجم أنا هويته
بقلم أحمد سلاطين
