أدب
تعبت
فهمى محمود حجازى
تعبت .. وتعب الحرف في كلامي
ومش قادر .. يوصلني لأحلامي
ولا قادر.. يشوف بكرة في أيامي
ولا يرسم لي ضوء شمعة ..
ينور حتى في مكاني
بشوف اقلام بلا معنى .. وفرساني
لا تعرف للحروف معنى ..
ولا تحرك في وجداني
وناس أهي للهبل سامعة ..
وبتقلد شباب تاني
لاهي عارفة بتسمع أيه !!
ولا فاهمانة لمعاني!
ولو مرة أقول فكرة ..
تنور عقله من تاني؟
يقولي يا عم فُوت بكرة ..
ونفض ليّا وانساني
وجاب العيبة والغلطة..
عليا وع اللي رباني
وقالي سلام يا ابوفكرة ..
سلام يا ابو كلمة ومعاني
وراح راقص.. مع موته وألماني
وانا باصرخ واسد الطبله في وداني
كلام فارغ مالوش معنى..
عقول فى الأصل عجاني
بتسمع بس مش فاهمة ..
وبتقلد .. و عمياني
وضاع الحرف والمعنى ..
وتاه الفكر في زماني
………………………………
بقلم :
فهمى محمودحجازى