انت غنى باللى معاك

للشيخ رضا الخولى..المنوفيه

الدين مش مهم …..
عندكم امتحان ايه بكرة !؟
عندنا امتحان عربى ودين .
ذاكرتوا كويس !؟
اه العربى تمام ..طيب والدين !! لا الدين مش مهم اوى علشان مش داخل المجموع …
و بيكبروا ويتعلموا ويتخرجوا على ان الدين مش مهم
بيشتغلوا ويرتشوا ويتعدم الضمير مهو الدين مش مهم
بيتخانقوا ويقطعوا بعض على الميراث مهو برده الدين مش مهم
يقطعوا صلة الرحم علشان الدين مش مهم
ويخونوا بعض لما يتجوزوا علشان الدين مش مهم
سلوكيات البنات والشباب فى انحراف لان الدين بالنسبة لهم مش مهم
الاخلاق ضاعت والضماير غابت لان الدين مش مهم
ويخلفوا ولاد يرحوا المدرسة يتعلموا تانى ان الدين مش مهم