مسك الختام
ميلاد الرسول
سيرة حبيب الله محمد
مسك الختام
بقلم حاج هلال
أسس دوله بالدين تحكم
وبالقرآن والسنه ينظم
بالتٱخي والأخوة
أنصار. ويا مهاجرين
في المسجد ألفت الصحبة
عالكل والإخلاص والدين
كانت غزوة بدر الكبرى
والأنفال على صحبه يقسم
قينقاع كشفوا العورة
منهم واحد شبك الطرحة
والمسلمه تشتري مدارية
راجل مسلم غار وضربة
قاموا يهود كترة قتلوه
والنبي قرر يطلعوا برة
خانوا العهد اللي كتبوه
ويا النبي في بداية الهجرة
في أحد كان مطلوب الطاعة
وكان النصر يتم ف ساعة
لكن دنيا ولينا خداعة
وللغنايم نزلوا صحابة
كانت فتنه وخسروا الغزوة
أما يهود بني النضير
وفي خيانتهم أمر خطير
ناويين قتل رسول الله
وبصخرة من فوق الدار
النبي حاصرهم بحصار
وطردهم يطلعوا أحرار
واليهود راحوا للأحزاب
قالوا إحنا ليكوا أحباب
النبي قام وحفر الخندق
و كان الريح ضمن الأسباب
وبني قريظة عملوا خيانة
كانوا علينا ومش ويانا
هجموا عالحريم ف الخيمة
وبعد مشورة وقرآن فينا
قطع رقاب كل اللي خانونا
بعدها راحوا يعملوا عمرة
في حديبية كات أول مرة
عملوا الصلح وعادوا الكرة
بيعه كانت تحت الشجره
عالموت بايعوه جند محمد
وبعدها كانت غزوة خيبر
جعفر جاي وعلي بيكبر
وبعد دسائس وخيانات
وعد الله والنصر الأكبر
خالد سيف الله ف مؤتة
سحب ونجحت خطة
بيخطط للفتح محمد
ونصر كبير وفتح عظيم
سلمت مكه وظهر الدين
و محنة كانت يوم حنين
للإسلام كان نصر مبين
جند الله كانوا بيحبوك
والبرهان بان يوم تبوك
يوم الحج خطابك زاع
وأمرك بين الكل مطاع
بأيات تنزل فيها وداع
ومسك ختام الوحى محمد