مِنكْ إليك

مِنكْ إليك

بقلم/ سلوى صبح 

وإذا كان في قلبي لسة دقة
بتدق دق بكل رقة
أكيد طبعًا هتبقى ليك ..
وإذا كان في روحي لسة شوق
وحنين ونفسه في يوم يروق
بنظرة حلوة من عنيك..
وإذا قلت يوم إنك حبيب
يبقى مش من حقك تغيب
وأنا لسة قلبي حواليك..
ولو حاولت إنك تسيبني
عمرك ما هتعرف تجيبني
لو ضيعتني من بين إيديك..
تنساني إزاي وأنا عايشة فيك
واللهِ ده مش كتير عليك
تستاهل من غير شريك..
كل الكلام الحلو بيننا
والمُر اللي كان واجعنا
ضعيف جدًا قُصاد حُبي ليك..
أنا وإنتَ حكاية تانية غير
جواها نبض قلب كبير
عشق وانكتب عليك..
إنتَ الأمير وأنا الأميرة
عشنا في دوامة خطيرة
وانكتب لينا النجاة
بقيت جوايا وأنا عايشة ليك..
مِنْك إليك..