بسمة عينك
شعر غنائي
بسمة عينك
احمد سلاطين
أيوه يا غالية يا فرحة عيني
عمري فداكِ و ليكي حنيني
ازاي افكر ابعد ثانية ؟!
دان ب تسري جوا وتيني
وإنت البسمة اللي بتحييني
أما عن العزال و كلامهم
أكسر خاطرك دا ف أحلامهم
دا إنت غرام وفتاة أحلامي
ولا عمري هسمع لملامهم
مانتي البسمة اللي بتحييني
عمري ما كنت ف يوم بتعالى
لو ب تغيبي . . ببقى ف حالة
بلقى حياتي بدونك صحرا
و فكرة بعدك حاجة محالة
مانت البسمة اللي بتحييني
عمري ما ابعد حتى ف هجرك
واما تعودي ويشرق فجرك
تلقي القلب . . يكون متلهف
وبعيش صاحي ونايم فاكرك
مانتي البسمة اللي بتحييني
عمري في يوم عنك مااستغنى
كل قصايدي ف وصفك مغنى
علشان روحي دايبة ف روحك
وأنا طول عمري بِعشْقِكْ أغْنَى
مانت البسمة اللي بتحييني
قولي بحبك ليه كدا ناسية
وبتعملي جبارة وقاسية
دانا من يوم ما قابلتك فاكر
انك حاسة بحبي و راسية
مانت البسمة اللي بتحييني
يلا قوام هنيني ب قربك
دانا حلمي اني اكون جنبك
يتلون عمرنا … وحياتنا
واغزل فرحة قلبي بحبك
مانت البسمة اللي بتحييني