تعبتيني يا بهوارة
تعبتيني يا بهوارة
حاج هلال
تعبتينى يابهوارة
لبست هدومى مندارة
ماشي وناسي لفين راسي
ومش شايف لكن عارف
فين العكاز و نضارتي
كان العكاز بيسندني
ونضارتي. بترشدني
لكن عارف ومش خايف
ورايح جاي وجاى رايح
والا معاكس والا مخالف
ومن شارع أروح حارة
لقيتك فوق في دور عالي
طلعت الخطوة محتارة
عشان اوصل وتاه بالي
لقيتك واقفة منهارة
عشان الدنيا غدارة
ولازم مال وفين مالي
خادوه مني في يوم غارة
غارة مكانتش على بالي
وخبوني ب صفارة
في خندق ضلمة ومغارة
ولما عرفت عنوانك
مالقيتش الدنيا ضحكالك
وتوب اسود في لون شالك
حزين قلبي علشانك
وقلت ازاي راح أنساها
بلاش تشغلها واسلاها
لكن قلبي وإيه ذنبي
وروحي وانتي سكناها
وشغلاها وواخداها
ومش قادر أتوب عنك
وفي العالي راح اتطلع لك
ومهما تقولي هسمح لك
ولو حتى في طيارة
فين العكاز و نضارتي
عريس وعروسه فرحتنا
ونور ليه مطفي من بيتنا
بلا عكاز. ونضارة
وإبني كان بسندني
وله أحلام بتسعدني
تعبتيني يابهوارة
ولابس هدومي مندارة