الدكتور جمال شعبان يكتب: الضربة الساقطة

ودقات القلب السريعة
(علميًا اختلال كهرباء القلب )
قلبي بيرفرف
قلبي هيفط من صدري
عندي ضربة ساقطة
ب احس بسحبة روح
قلبي بيقف وبيرجع تاني
لما احس بانتفاخ في القولون قلبي بيدق بسرعة
ده من ايه طيب ؟
امتي ابدأ أقلق علي نفسي
هو انا محتاج أروح لدكتور كهرباء القلب ؟!
……النهاردة
احنا هنتكلم عن أسباب لخبطة دقات القلب
ولما يحصل كدة نعمل ايه
دقات القلب السريعة او الضربات الساقطة
بتحصل
نتيجة عوامل كتير زي مثلا
نقص الهيموجلوبين (الأنيميا)
نتيجة التوتر
نشاط الغدة الدرقية أكتر من الطبيعي
عدم انتظام أملاح الدم البوتاسيوم الكالسيوم في الدم
مرض السكر بيعمل دقات قلب سريعة
انخفاض السوائل في الدم
وممكن تكون نتيجة اختلال وراثي في كهرباء القلب مولود به
أو مكتسب نتيجة مرض في القلب
في الصمامات أو في العضلة أو في الشرايين التاجية
أو مرض في النظام الكهربي للقلب
طيب لما أحس ان دقات قلبي سريعة او ملخبطة ممكن أعمل ايه :
كبح جماح التوتر والقلق والتماس الهدوء والاسترخاء
الامتناع عن التدخين أو مجالسة المدخنين شرب السوائل المفيدة
استخدام الأملاح بطريقة معتدلة
أحيانًا التنفس بعمق أو التعنية أو الكحة ممكن توقف ضربات القلب السريعة
الحذر من تناول الأدوية إلا بعد استشارة طبيب كهرباء القلب
اللي ه يعمل رسم قلب وهولتر ٢٤ ساعة
وبعدين ممكن يوصف أدوية
او يعمل قسطرة دراسة كهروفسيولوجية
أو يعمل كي بموجات الراديو
أو يزرع جهاز صدمات كهربية