عزوز فابريكا : أغاني المهرجانات والراب هي الإمتداد الطبيعي لأغاني عدوية

قال الفنان عزوز فابريكا إن “نوعية أغاني المهرجانات والراب هي الامتداد الطبيعي للغناء الشعبي المصري”، مستكملا: “الأغاني دي الامتداد الطبيعي لـ(السح الدح امبو) و(سلامتها أم حسن)”.

وأضاف عزوز فابريكا، “الست أم كلثوم كانت بتقول (أغدا ألقاك) والأستاذ أحمد عدوية كان بيقول (السح الدح امبو) وباع مليون نسخة وكسر الدنيا بـ(زحمة يا دنيا زحمة) و(بنت السلطان).. يا جماعة ده في كل عصر مش إحنا بس.. الأستاذ عبد الحليم حافظ كان بيروح كازينو الليل يسمع أستاذ أحمد عدوية، وكان بيخليه يسمعه أغانيه”.

تابع: “لازم تقنين أوضاع مطربي المهرجانات، دلوقتي مفيش اعتراض على المزيكا، وعايزين كلام كويس، يبقى نقنن الموضوع، هتقولوا أصوات، هقولكم طيب ما أنتوا أجازتوا الراب.. الثقافات اتغيرت ولازم نتقبل ذلك، كل جيل وله مزيكته وشكله.