الشاعر حاج هلال يكتب – الوالدين

الشاعر حاج هلال في
الوالدين

بالإحسان يؤمرنا الدين
بالطاعة وبر الوالدين
واحد منهم أو لتنين
وطاعتهم من طاعة الله
لسه فاكر أمي بتحكي
وانا صغير وتقول حدوته
واتسلينا أنا واخواتي
تدي كل واحد بسكوته
ولما أعطش وأقول امبوه
كانت تقول ياملايكه اسقوه
وتعمل طفلة صغيرة معايه
واتمشيني على المشايه
لما امشي تديني البوسه
وتوكلني كمان بسبوسه
ولما بجوع وقولها مما
تضحكلي وتسقف ليا
وتقولي ياحبيبي إسملله
أمي هي أحلى حكاية
وفي القرآن أكتر من آيه
أمي ياغاليه يأماه
ياللي دعاكي عز وجاه
فضلك مين يقدر ينساه
واحنا رضاكي بنتمناه
طاعة أمي أمر وفرض
هي شالتني قبل الأرض
والا تنام لو سمعت آه
وبالإحسان للوادين
طاعه وبر يؤمرنا الدين
الأم حب وكمان الأب
في وجوده نشعر بأمان
قلبين زي ماقال الرب
ترضيهم راح ترضي الله
ودعائهم لك عز وجاه
…
الوالدين
الشاعر حاج هلال