حروف ماريونت

حروف ماريونت
🦋ـــــــــــــــ🦋
وإحنَّا صغيرين
كُنا بنتعلم نقرا الكتاب
نكتب الإملا

ونصحح حروف الكلام
كبرنا
عرفنا إن الحروف

عرايس ماريونت
في إيد كل واحد
بيلعب بيها زي مايحب
بتتغير فيها الوشوش
مابين ملايكة ووحوش
فيها كلام بين السطور
فيها تزييف للشعور
لا صريحة ولاواضحة
لعبة ..
مابين حقيقة وخيال

حروف مرسومة
عايشة ف الأحلام
لا صادقة ولا كدابة
بين البينين
بين إشتياق وإستياء
ليها ألف وش

عيون مليانة غِشْ
قلوب الطيبين فيها
فيها مالهاش
عِشْ

بقلمي /نهلة الࢪشيدي