أدب
فين راحت الضحكة
فين راحت الضحكة ؟
سلوى صبح
فين راحت الضحكة؟
الضحكة راحت فين؟
مين السبب في ضياعها مين؟
عارفين
إحنا المسؤلين؟
ضيعنا روحنا على بني آدميين
مش بني آدميين !
فاكرين لما كنُا بنضحي بروحنا
علشان ناس مش صافيين !
حتى لما كنا بنزعل منهم
كنّا بنعديها
ومش نادمين!
على مين نضيع عمرنا؟
ونشيل فوق همنا ؟
ونعيش العمر مجروحين!
على مين هنصبر ع الأذى ؟
ونتحمل حِمل جبال
مع إننا مش طايقين !
آه
وآه
القلب من حزنه اتوجع
بيقول الآه آهين !
وبرغم كل الوجع
من قسوة قلوبهم
مش سالمين!
طب وإيه الحل؟
نسكت ونفضل مظلومين
نخسر والخسارة كبيرة
خسارة النفس يا غدارين !
خليكوا بقى على جمب
زي الهوى لما يعدي علينا
واحنا مش شايفين .