مقليش لي بابا
مقليش لي بابا
د. وائل فؤاد نجيب
مقليش بابا لي يا امي اخر حاجه قلتيها
وليه وباي صوت ليه كمان قولتيها
يا تري كانت عتاب ولا عدتيها
ولا افراح مكنتيش عاوزة تخبيها
مشيتي يا امي وانا كنت منك مستنيها
كنت منك مستني بنفسك لي تقوليها
كانت ايه هي وصيتك وليه مطلبتنيش علشان لي تقوليها
ولا كانت ايه رغبتك؟ وكان نفسي بنفسك لي تقوليها
هو انا كنت طول عمري محتاج افهم بس انتي كنتي دايما تأجليها
مش عارف ليه كنتي دايما عني بتخبيها
وبتاجلي يوم ورا يوم لي تقوليها
كان نفسي اشوفك قبل ما الدنيا تودعيها
وكان نفسي اسمعك بوداني وانتي لي بتقوليها
تعبت من بعد فراقك بس برده بقول
يمكن الكلمات ديه كانت هتبقي معايا علي طول
اعيش بيها واراجع نفسي وقدامي تفضل علي طول
غريبة ان بعد وقت طويل
سألت نفسي عنها بعد العويل
مش عارف ليه النهاردة بس افتكرت
اسال عنها وليه فيها فكرت
انا مش عارف كان ممكن تكون ايه هي وصيتك لي
ومش عارف ازاي هي كانت طلبتك لي
صحيح الأم ومش مهم كل اللي في قلبها لازم تقوله
بس انتي كنتي ام جميلة جدا وده كلام من قلبي هفضل اقوله
عدت الايام علي فراقك
وانا مبقتش قادر علي بعادك
وحشاني اوي يا امي
ووحشني كلامك اللي كتتي بيه بتضمي
دايما بشوفك في حاجات كتير حواليا
وابقي فرحان ان كلماتك لاتزال مشجعات دوما لي
حاسس بيك دايما حواليا
ومتاكد انك دايما في صفي ومعايا