شعر
شويه صور
بقلم / محمود الجوهرى
مشيت وسبتلى شويه صور
ادور فيها على الذكريات
افتكر فيها ايامنا
وكل حلو عدى فات
ضحكتك وانت فى حضنى
ونظرتك ليا بسكات
كل لحظه بعيد عليا
تنزل فيها دموع عنيا
وقلبى فيها ضعيف ومات
كنت فاكر انى هقدر على البعاد وأقول ده عادى
وانك طول الوقت جنبى وهو ده كان اعتقادى
بس لقيت فى بعادى عنك
قلب ضعيف مكسور وفاضى
بوعدك تفضل حبيبى
حبى ليك حاضر وماضى
تغيب الشمس فى غيابك
تروح الروح لو طال غيابك
يخجل القمر بوجود خيالك
وعينى تسحرها ابتسامتك واحضنك لحظه فى سلامك