خلينى احبك

بقلم / محمود الجوهرى
هشترى خاطرك وبلاش تفارق
زعل الدنيا كوم ولا انت تدايق
خليكى جنبى وما تسبنيش
خلينى فى قلبك موجود
خلينى فى حبك اتعايق
إلى بينا حب كبير
وقعت فيه وبقيتله اسير
مهما اقول فى حكاوى كتير
قلبى معاكى كأنه ضرير
بعدك عنى قاتلنى جارجنى
وكان الحزن عارفنى شايفنى
بصوتك بس تهون الدنيا
قولى بحبك قولها صارحنى
عشره كبيره بلاش تدبحنى
من غيرك مش هعرف اعيش
ومفيش غير حبك والله مفيش
بلاش البعد يغيرك
بلاش الشوق يحيرك
بلاش القسوه عليا بلاش
بلاش الدنيا تغيرك
وتقسى قلبك وتخيرك
انتى ننى العين والقلب
وعينى بس تصورك
بعدى عنك مستحيل
كل شئ فيكى جميل
كلمه منك بس اميل
وعندى ليكى ١٠٠ دليل
فاكره اول مره شفتك
فاكره صوتى ويا صمتك
فاكره اول نظره ليكى
كنت مستقوى بعنيكى
بعت كل الدنيا ليكى
وقولتلك انا مشتريكى
مهما تقسى ومهما تنسى
قلبى وعقلى مش ناسيكى
وعينى دايما شايفه صورتك
وفى الدنيا بستقوى بيكى
عايش بس بنبض قلبك
وروحى تملكها ايدكى
اوعى فى يوم تتخلى عنى
اسيب الدنيا وابيعها
وبين ضلوعى احتويكى
بعدك عنى هو موتى
بعدك عنى هو موتى