أدب
*** نقولها تاني ***
ناصر عطا محمد
نقولها تاني .. خليك مكاني
العيشة مرة .. ومفيش مسرة
طب نعمل إيه .. راضي بزماني
نقولها تاني .. ياريت تفهم
بكرة اللي جاي الله اعلم
الدنيا توهة وكتير فاتوها
عيش الحياة سلم تسلم
مظلوم وجاني
الدنيا قايمة حوالينا
حرب ودمار جاية علينا
اسعارها نار والعيشة مرار
واحنا اللي فينا مكفينا
خليك مكاني
يا اللي بتهرب من الحياة
عيشها كده زي ماهى
تحزن وتضحك تنسى الٱه
القسوة تصبح حنية
ولوتفارق اي حبيب
اكيد مسيرك يوم تلقاه
ياما حبايب مبلية
قدر وقسمة وخداني
بقلمي .. الشاعرناصرعطامحمد
