Uncategorized
(كنت قولي.؟؟؟؟؟)
خيرى حسنى
كنت قولي
قبل ماتهاجر
وتشد الرحال
كنت عرفني.
جالك قلب.
تتركني وتبعد.
وإيه يفيد لما
تعند وتقطع.
بإيديك…..
حبل الوصال.
خلاص نويت
إني أتعدل.
ونويت أتوب
عن الذنوب.
وأسيب حياة.
الفشل وأمسح.
من ذكرياتي.
كل العيوب.
وأتبدل بواحد
تاني خالص.
مليان محبه.
مليان حنان.
كنت نويت أنهي
قصتي مع الطناش
وكل الحريم
وأعيش سليم
وكنت هاتشوف
النعيم مش
شرط يكون حبة
فلوس المهم راحة
النفوس.
وأديك
كل الأمان.
هانت عليك.
خلاص عشتري.
ومطمرش فيك
ونسيت كل
إل ربطني
بيك إفتكر
حاجه واحده.
من قلبي.
أخدتها حرمت
نفسي منها
أخدت مني حلوها
وأنا إل أخدت
مرها وصبرها
إشتريتك بغالي
التمن وإنت برخص
التراب عشتري
بيعتها.
ونويت تهاجرني
وترحل.
ياقلبك القاسي.
دا أنا خلاص
حزفت نزواتي
من راسي.
ونويت أستقيم.
وأبني لبحوري
مراسي.
وأبني قلبي.
مره تانيه
وأعدله.
وأقوله بس
يدق لك.
وعيني تتعمي
عن النساء.
وعليك إنت
تبص لك.
تعرف عندك حق.
أنا إل أستاهل
كدا وأنا إل جنيت
الغلط لو كنت
زرعت من يوميها
المحبه مامضغتش
النهارده الزلط
كنت قولي.
إنذرني إغضب
في وإنفجر
خليني أحس
بوجودك بلاش
تحسسني بالقهر
والله ليك حب
في حياتي.
لا له تمن
ولا أي سعر.
طيب سيب لي
عذر عشان
أعتذر لك
وأقول إني غلطان
وليك حق في
إل هاتعمله
لو نويت وخلاص
قررت الرحيل
مع السلامه
بس إل نفسي
تعرفه إن ليك
في قلبي
حب مش أي حب
وعشق مش أي
عشق.
ومليون جميل.
وإنت مش محتاج
الدليل………)
كنت قولي
7/7/2022
(ترنيمات وخواطر. بقلم……..)
(شاعر العاميه/خيرى حسنى)
