أدب
يا مصر لا نرضالك ركوع
يا مصر لا نرضالك ركوع
فتحيه على عبد النبي
احساس في قلبي واجعني
يابلدي بيجري في دمي
بيكبر كل يوم ويأكد إنك أمي
و بفرح وأغني وبحزن لأني
بحبك يا أمي بحبك يا أمي
واحساس حقيقي بالخوف
رغم الشدايد الكتيرة
وأنا ببكي عشانك
رغم كل الظروف
شيفك أنت الأميرة ومقامك فوق الرأوس
من الصعب نسيانك خايف أفتقد حنانك
وأنت عينك علينا وحبسة دمعتك
وأرجع تاني وأضمك
وماليش ألا حضنك
ياصبية مع كبر سنك طفلة بتتنطتي
ياغالية علينا عمرك مابتغلطي
ملوك الخيانة عايزين منك أية
دول سرقوا الضحكة الجميلة
فاكرينك هتهبطي
والله أنا نفسي أشوفك وأنت بتزغردي.
لو أنام من غير عشا برضوا مفهاش
رجوع حبك حب الخشوع
يامصر لا نرضالك ركوع
لعالم معندهاش خشى