أنا بحبك

سلوى صبح
بكل الحُب
أنا يا حبيبي
بكتب لك..
كلام قلبي وأشواقه
اللي محتاج لك..
ده حتى النبض
بيدقق على قلبك
بينده لك..
لو كان حزين قلبك
والسعد غاب عنك
أنا أسعدك وحدك..
سامع ضجيج قلبي
عارف قد إيه حُبي
وأنا جنبك..
كتير شافوك حيران
ومتضايق وغريبة
يا عاشق
قالوا بعين حاسد
يا بختك..
تخيل كل ده حُبي
عايش جواك وحدك
وقلبي عندك..
يا سلام سلِّم
العين بتتكلم
والقلب بيسلِّم حتى تفاصيلي
بتشتاق لك
أنا مِنَّك..
صحيح نصين كما قالوا
لكنَّا روحين جوه نني العين
يتمنّوا يتشالوا
يا طول بعدك..
آه وآهين على قلبي
ياللي واحشني وناقصني
أكون جنبك..
يا عيد قلبي وأفراحه
يا ورد خدودي وتفاحه
خد عندك حرفيًا
أنا بحبك..

#بالعامية بقول.
بقلمي سلوى صبح.